Е-спорт лигата Fortuna Gaming го направи првиот чекор за остварување на идејата за интернационална League of Legends лига. Македонскиот тим Evolution Online е првиот тим надвор од Србија кој се приклучи на лигата, јави E-sport Vesti. Малку подоцна на лигата ѝ се приклучи и хрватскиот Team ReJecT.
Капитен на екипата е лигата – „Fallenangel“. EON беше македонскиот претставник во League of Legends на светското првенство во Џакарта. Тимот е составен од:
- Top lane – Христијан “HRYSHA” Блажевски
- Jungle – Јане “Gizmox” Васов
- Mid lane – Виктор “Fallenangel” Кордановски
- ADC – Валмир “GoldenTo4st” Фeјзулаху
- Support – Стефан “Mistrial” Шевченко
Колку време постои тимот, кои се играчите а кој е најголем успех?
„League of Legends тимот постои веќе една година. Како организација постоиме 9 години. Играчите се најдобри во Македонија, четири члена на тимот се од Скопје, а еден е од Охрид. До сега сме учествувале на неколку поголеми турнири, но ништо интернационално.“
Колку често играте/вежбате?
„Индивидуално играме долг период од денот, но како тим вежбаме 2-3 турнири неделно.“
Како дојде до соработка со Фортуна?
„До соработката со Фортуна дојде поради слабата конкуренција во Македонија. Решивме да стапиме во контакт со нив и да се натпреваруваме во регионална, балканска лига.“
Како влијае недостатокот на компетитивни натпревари на вашата форма?
„Недостатокот на компетитивни натревари, пред сѝ во Македонија, нормално влијае лошо на формата на тимот. Затоа се обидуваме да играме на странски турнири што е можно повеќе, за да добиеме искуство со странски играчи.“
Што очекувате од учеството во Fortuna лигата?
„Очекуваме квалитетни, долги игри. За пласман се надеваме на Топ 4 и играње на LAN Playoffs.“
Освен League of Legends кои ви се омилени игри?
„Нормално како гејмери имаме и други омилени игри во кои уживаме рекреативно :). Hearthstone, World of Warcraft, Counter Strike: Global Offensive и Overwatch.“
The post Македонскиот Lеague of Legends тим EON се приклучи на Фортуна лигата appeared first on IT.mk.