Гејмингот полека станува сериозен е-спорт. Можеби е прерано да се размислува да биде додаден во Олимпијадата, но турнирите за League of Legends, Dota 2, Starcraft имаат се поголема гледаност, а наградните фондови на некои од нив се до 2,9 милиони долари. Сите финалиња речиси без исклучок се играаат пред преполни „трибини“ на кој има и по 10.000 фанови. Поради ова, не е воопшто чудно што следниот турнир во League of Legends ќе се одржи во салата на L.A. Lakers – Staples Center.
Од подемот на е-спортот, покрај играчите, се чини дека втор најголем добитник е Twitch TV. Веб телевизијата, која започна како гејминг канал на Justin.tv, а подоцна како стартап од 2011-та година, трпеливо и упорно ги пренесува сите поважни настани од е-спорот, а сега конечно може и да ја валоризира својата посветеност. Успехот го докажуваат и неодамнешните најави дека Twitch TV ќе биде интегриран во новата генерација на конзоли (xBox Оne и PlayStation 4), a гејмерите ќе може да го стримаат своето играње со притискање на само едно копче. Само последнава година од октомври 2012 до август 2013 година, бројот на посети на Twitch порасна од 20 на 45 милиони. Финалињата на League of Legends на страната ги следат во просек 450.000 корисници.
Поради ова, Twitch собраа 20 милиони долари, во финансирањето учествуваат Thrive Capital, WestSummit Capital и Take Two, издавачот на Grand Theft Auto. Средствата најверојатно ќе бидат искористени за подобрување на инфраструктурата, со оглед на тоа дека поддршката од конзолите значи и поголем број на корисници, а HD стримање низ целиот свет не е едноставен потфат.
[youtube]xWXohUW3pFQ[/youtube]
Растот на e-спорот, и секако стримовите во живо, е пред се поради достапноста на технологијата која сега овозможува значително поголем проток на информации поради подобриот интернет. Компаниите креатори на игрите се чини дека сфаќаат дека големите турнири се забавни и за гледање, а не само за играње. Дека интересот за е-спортот е се поголем покажува и се поголемиот интерес за гејминг ТВ канали. Ustream е одговорот на Sony, кој покрај 60 милиони долари инвестиција ќе бидe интегриран заедно со Twitch на PlayStation 4.
Поради можноста за маркетиниг и задржување на фановите на игрите, компании како Blizzard, Riot и Valve се повеќе инвестираат во наслови во кој е можно турниско натпреварување. Се почести се и вестите за неверојатни наградни фондови. За споредба вкупниот наградниот фонд на 10 турнири во 2000 е околу 350.000 долари, во 2012 бројот на турнири е пораснат до 696, а фондот за награди е над 10 милиони долари. Од неодамна САД почна да им издава спортски визи на играчите на LoL.
The post Растот на e-спортот и Twitch TV: веб телевизијата ќе биде интегрирана во конзолите appeared first on IT.mk.